ກະຊວງການເງິນປື​ກ​ສາ​​ວຽກ​ງານການ​ທົດ​ລອງ​ຂຸດ​ຄົ້ນ​ແຮ່​ເຫລັກ

SA Game

ພາບ: ຂ​ປ​ລ.

ຈະ​ມີ​ການທົດ​ລອງ​ການ​ຂຸດ​ຄົ້ນ​ແຮ່​ເຫລັກ ​ໂດຍກະຊວງການເງິນກຳ​ລັງຫາລື ແລະ ວາງ​ແຜນ​ການ​ຢູ່.

ຕາມ​ການ​ລາຍ​ງານ​ຂອງ​ສຳ​ນັກ​ຂ່າວ​ປະ​ເທດ​ລາວ​ໃຫ້​ຮູ້​ວ່າ ໃນວັນທີ 9 ກັນຍາ 2021, ກະຊວງການເງິນ ຮ່ວມກັບບັນດາກະຊວງທີ່ກ່ຽວຂ້ອງ, ໄດ້ຈັດກອງປະຊຸມປຶກສາຫາລື ກ່ຽວກັບວຽກງານຂຸດຄົ້ນແຮ່ເຫລັກແບບທົດລອງ ເປັນຕົ້ນ: ກົນໄກການຈັດຕັ້ງປະ ຕິບັດທີ່ຕິດພັນກັບຄວາມຮັບຜິດຊອບຂອງແຕ່ລະຂະແໜງການ ແລະ ຂໍ້ມູນແຜນສົ່ງອອກ ປະຈຳປີ ຂອງແຕ່ລະບໍລິສັດ ເພື່ອເປັນບ່ອນອີງໃຫ້ແກ່ພາກລັດ ໃນການຄາດຄະເນລາຍຮັບ ທີ່ໄດ້ຈາກການຂຸດຄົ້ນແຮ່ເຫລັກ ໃນໄລຍະທົດລອງນີ້.

ນອກຈາກ​ນີ້, ຍັງໄດ້ຮ່ວມປຶກສາຫາລື ກັບບັນດາບໍລິສັດ ທີ່ໄດ້ຮັບອະນຸຍາດເຂົ້າຂຸດຄົ້ນ ຊຶ່ງປັດຈຸບັນມີ 14 ບໍລິສັດ(15ໂຄງການ) ທີ່ໄດ້ມອບເງິນພັນທະລ່ວງໜ້າ ແລະ ເຊັນສັນຍາຂຸດຄົ້ນຮຽບຮ້ອຍແລ້ວ. ພ້ອມນັ້ນ ຍັງຮ່ວມກັນປຶກສາຫາລື ແລະ ເຈາະຈີ້ມ ບັນດາບໍລິສັດຕື່ມກ່ຽວກັບແຜນ ການຂຸດຄົ້ນ ແລະ ການກະກຽມໃນການລິເລີ່ມຈັດຕັ້ງປະຕິບັດຕົວຈິງ.

SA Game
ພາບ: ຂ​ປ​ລ.

ທ່ານ ປອ ບຸນເຫລືອ ສິນໄຊວໍຣະວົງ ຮອງລັດຖະມົນຕີກະຊວງການເງິນ ປະທານກອງປະຊຸມ ໄດ້ຊີ້ນຳ ຕໍ່ບັນດາ 9 ບໍລິສັດ ທີ່ສໍາເລັດການເຊັນສັນຍາ ປະຕິບັດພັນທະງົບປະມານແບບມອບເໝົາ ຮ່ວມກັບກະຊວງການເງິນ. ສະນັ້ນ, ຈຶ່ງໄດ້ຮຽກຮ້ອງໃຫ້ບໍລິສັດ ທີ່ຍັງບໍ່ທັນໄດ້ເຊັນບົດບັນທຶກມອບ-ຮັບເງິນພັນ ທະລ່ວງໜ້າ ແລະ ສັນຍາ ການປະຕິບັດພັນທະງົບປະມານແບບມອບເໝົາ ລະຫວ່າງລັດຖະບານ (ກະ ຊວງການເງິນ) ແລະ ແຕ່ລະບໍລິສັດໃຫ້ຮີບຮ້ອນໃນການເຊັນສັນຍາຮ່ວມກັນໃຫ້ສໍາເລັດໂດຍໄວ ເພື່ອເປັນຫລັກຖານ ແລະ ເປັນບ່ອນອີງໃນການໄລ່ລຽງ ໃນການຈັດຕັ້ງປະຕິບັດ.

ພ້ອມດຽວກັນນີ້, ໄດ້ຮັບຟັງການລາຍງານກ່ຽວກັບແຜນຂຸດຄົ້ນ ແລະ ແຜນສົ່ງອອກຂອງບັນດາບໍລິສັດ ຊຶ່ງມີບາງບໍລິສັດ ກໍໄດ້ລິເລີ່ມການຂຸດຄົ້ນແລ້ວໂດຍໃຫ້ການສ້າງແຜນລະອຽດແລ້ວສົ່ງໃຫ້ທາງກະ ຊວງພະລັງງານ ແລະ ບໍ່ແຮ່ ເພື່ອຈະໄດ້ແຈ້ງມາໃຫ້ກະຊວງການເງິນຕິດຕາມ ແລະ ຄິດໄລ່ຈັດເກັບພັນ ທະຕາມການສົ່ງອອກໃນແຕ່ລະຄັ້ງ, ໃຫ້ບັນດາບໍລິສັດ ຮີບຮ້ອນດໍາເນີນການຂຸດຄົ້ນ, ຈໍາໜ່າຍ ແລະ ສົ່ງອອກແຮ່ເຫລັກຕາມແຜນການຂອງຕົນ ເພື່ອເປັນການກະຕຸ້ນເສດຖະກິດ ແລະ ເພີ່ມລາຍຮັບໃຫ້ແກ່ບໍລິສັດ ແລະ ງົບປະມານແຫ່ງລັດ ກໍຄືເປັນການປະກອບສ່ວນໃຫ້ແກ່ການແກ້ໄຂຄວາມຫຍຸ້ງຍາກ ທາງດ້ານເສດ ຖະກິດ-ການເງິນ ທີ່ຕິດພັນກັບວາລະແຫ່ງຊາດ ອີກດ້ວຍ.

ຕິດຕາມ​ຂ່າວການ​ເຄືອນ​ໄຫວທັນ​​ເຫດ​ການ ເລື່ອງທຸ​ລະ​ກິດ ແລະ​ ເຫດ​ການ​ຕ່າງໆ ​ທີ່​ໜ້າ​ສົນ​ໃຈໃນ​ລາວ​ໄດ້​ທີ່​ DooDiDo

ຂອບ​ໃຈແຫລ່ງ​ທີ່​ມາ​: ປະເທດລາວ Pathedlao.