ກວ່າ​ຮ້ອຍ​ບໍ​ລິ​ສັດ​ເຂົ້າ​ລົງ​ທືນ​ໃນ​ເຂດ​ພັດ​ທະ​ນາ​ກວມ​ລວມ​ໄຊ​ເ​ສດ​ຖາ

SA Game

ໜັງສືພິມປະຊາຊົນ

ເຂດພັດທະນາກວມລວມໄຊເສດຖາໄດ້​ມີ​ຫລາຍ​ບໍ​ລິ​ສັດ​ສົນ​ໃຈ​ລ​ົງ​ທືນ​ໃສ່​ເຂດ​ນີ້

ຖື​ວ່າ​ຍັງ​ມີ​ແນວ​ໂນ້ມ​ອັນ​ດີ​ໃນ​ການ​ພັດ​ທະ​ນາ​ປະ​ເທດ, ເຊິງເຂດພັດທະນາກວມລວມ ໄຊເ​ສດຖາ ນະຄອນຫລວງວຽງຈັນ ມີຫົວໜ່ວຍທຸລະກິດ ເຂົ້າມາລົງທຶນທັງໝົດ 107 ບໍລິສັດ, ໃນນັ້ນ 52 ບໍລິສັດ ໄດ້ເລີ່ມທຳການຜະລິດແລ້ວ ແລະ 55 ບໍລິສັດແມ່ນກຳລັງກະກຽມໃນເບື້ອງຕົ້ນ ແລະ ກຳລັງດຳເນີນການກໍ່ສ້າງ ເຊິ່ງເປັນນັກລົງທຶນທີ່ມາຈາກ ປະເທດ ຈີນ, ໄທ, ຍີ່ປຸ່ນ, ມາເລເຊຍ, ສິງກະໂປ, ລາວ ແລະ ສະຫະລັດອາເມລິກາ.

ປັດຈຸບັນໄດ້ສຳເລັດການພັດທະນາໄລຍະໜຶ່ງແລ້ວ ເປັນຕົ້ນການກໍ່ສ້າງໂຄງລ່າງພື້ນຖານ ໂດຍສະເພາະ ຖະໜົນຫົນທາງ, ນໍ້າປະປາ, ໄຟຟ້າ, ການສື່ສານ, ຫ້ອງການພາສີ ແລະ ສິ່ງອຳນວຍຄວາມສະດວກອື່ນໆ.

ທ່ານ ຂຽງຄຳ ພຸດຈັນທະວົງສາ ຮອງຜູ້ອຳນວຍການໃຫຍ່ ບໍລິສັດຮ່ວມທຶນລາວ-ຈີນ ຈຳກັດ ລາຍງານໃຫ້ຮູ້ເມື່ອບໍ່ດົນມານີ້ວ່າ: ປັດຈຸບັນ ເຂດພັດທະນາກວມລວມໄຊເຊດຖາ ກຳລັງສຸມໃສ່ກໍ່ສ້າງເຂດການຄ້າ-ການທ່ອງທ່ຽວ ແລະ ເຂດຕົວເມືອງໃໝ່ນະຄອນຫລວງວຽງຈັນ ໄລຍະສອງ ເພື່ອເປັນການປັບປຸງສິ່ງອຳນວຍຄວາມສະດວກຂອງໂຄງລ່າງພື້ນຖານ ເຊິ່ງໄດ້ມີການລົງທຶນໄປແລ້ວທັງໝົດ 1,3 ຕື້ໂດລາ, ໃນນັ້ນ, ລົງທຶນໃນໂຄງລ່າງພື້ນຖານປະມານ 600 ລ້ານໂດລາ, ມູນຄ່າລົງທຶນຂອງວິສາຫະກິດ ທີ່ລົງທຶນຢູ່ໃນເຂດລົງທຶນປະມານ 700 ລ້ານໂດລາ.

SA Game
ໜັງສືພິມປະຊາຊົນ

ທ່ານ ຂຽງຄຳ ພຸດຈັນທະວົງສາ ໃຫ້ຮູ້ອີກວ່າ: ເຂດພັດທະນາກວມລວມໄຊເຊດຖາ ແມ່ນໂຄງການຮ່ວມທຶນລະຫວ່າງອົງການປົກຄອງນະຄອນຫລວງວຽງຈັນ ຕາງໜ້າລັດຖະບານ ແຫ່ງ ສປປ ລາວ ແລະ ບໍລິສັດລົງທຶນຕ່າງປະເທດແຂວງຢຸນນານ ທີ່ຂຶ້ນກັບ ກຸ່ມບໍລິສັດ ກໍ່ສ້າງ ແລະ ລົງທຶນ ແຂວງຢຸນນານ ຫຸ້ນສ່ວນ ຈໍາກັດ ຕາງໜ້າລັດຖະບານ ສປ ຈີນ, ເປັນເຂດທີ່ທັງສອງລັດຖະບານກໍານົດເປັນໂຄງການຮ່ວມມືລະດັບຊາດ, ເປັນໂຄງການທີ່ເປັນສັນຍາລັກມິດຕະພາບລະຫວ່າງສອງປະ ເທດ ລາວ-ຈີນ

ໄດ້ຮັບການເອົາໃຈໃສ່ ແລະ ໃຫ້ການສະໜັບສະໜູນຈາກລັດຖະບານສອງປະເທດ, ເປັນເຂດຮ່ວມມືເສດຖະກິດການຄ້າຕ່າງປະເທດຂອງ ສປ ຈີນ ແຫ່ງດຽວຢູ່ໃນລາວ, ທັງເປັນເຂດເສດຖະກິດພິເສດຂອງ ສປປ ລາວ ເຊິ່ງຖືກຈັດເຂົ້າໃນຂໍ້ລິເລີ່ມ “ໜຶ່ງແລວ ໜຶ່ງເສັ້ນທາງ” ແລະ ຍັງຈັດເອົາເຂດພັດທະນາກວມລວມໄຊເຊດຖາ ເປັນໂຄງການກໍ່ສ້າງທີ່ສໍາຄັນຂອງສອງລັດຖະບານ.

ໃນໂອກາດ ທ່ານ ບຸນທອງ ຈິດມະນີ ຮອງປະທານປະເທດ ແຫ່ງ ສປປ ລາວ ພ້ອມຄະນະ ໄດ້ລົງເຄື່ອນໄຫວຢ້ຽມຢາມ ເຂດພັດທະນາດັ່ງກ່າວ, ເມື່ອບໍ່ດົນມານີ້, ທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຄະນະຮັບຜິດຊອບເຂດພັດທະນາກວມລວມໄຊເຊດຖາ ທີ່ສາມາດຈັດຕັ້ງປະຕິບັດສຳເລັດຫລາຍໜ້າວຽກ ເຊິ່ງເຂດດັ່ງກ່າວໄດ້ສ່ອງແສງໃຫ້ເຫັນເຖິງມິດຕະພາບ ແລະ ສັນຍາລັກແຫ່ງການພົວພັນຮ່ວມມືລະຫວ່າງ ລາວ-ຈີນ

ທີ່ສຳຄັນແມ່ນສາມາດດຶງດູດຫລາຍບໍລິສັດໃຫຍ່ໆຢູ່ຕ່າງປະເທດເຂົ້າມາລົງທຶນ ເພື່ອມາພັດທະນາໃນເຂດດັ່ງກ່າວ ກໍຄືການພັດທະນາ ສປປ ລາວ ແລະ ເປັນບ່ອນສ້າງແຫລ່ງລາຍຮັບໃຫ້ແກ່ນະຄອນຫລວງວຽງຈັນ. ທ່ານ ຮອງປະທານປະເທດ ໄດ້ຮຽກຮ້ອງໃຫ້ຄະ ນະຮັບຜິດຊອບສືບຕໍ່ປະຕິບັດບັນດາໂຄງການໄລຍະສອງ ເຮັດໃຫ້ເຂດດັ່ງກ່າວ ກາຍເປັນເມືອງຕົວແບບ ສູນການຄ້າ, ແຫລ່ງທ່ອງທ່ຽວ ແລະ ອື່ນໆ.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ DooDiDo
ຂອບ​ໃຈແຫຼ່ງຂໍ້ມູນຈາກ: ໜັງສືພິມປະຊາຊົນ